我的恩師林乃光師傅合照

一心幾用意思係同一時間操作 4 個或 5 個項目

駕駛操作最終目的動作要慢，效率要快， 道路行駛瞬息萬變，應快而不快或應快而無能力快者可能招至殺身之禍。初學駕駛者從課本，網頁，師傅所講解方法，就算你己經去到滾瓜爛熟之境介，但係到實際駕駛總係雞手鴨腳，力不從心問題就在於點樣「一心幾用」也是初學駕駛者並不容易攻破的第一關。

原來效率的快慢，並不是取決於手腳操作的快慢而是〔方法〕，方法就是操作項目的「先後次序」和「一心幾用」。學習「先後次序」並不難但係學習《一心幾用》 就並不容易， 例如 A, B, C, D, E 如果續個項目分開去做需要時間約 5 秒。 如果使用《一心幾用》將 A, B ,C, D, E 同一時間，同步進行，快者只需一秒，慢者弍秒或三秒。相比之下，效率的高低立刻可以分明。 所以效率並不是來自〔手快腳快〕而是《一心幾用》。

駕駛操作最終目的是平淡自然，動作要慢，效率要快，初級學習駕駛者，需要同一時間控制 4 個或 5 個以上項目實在比較困難。所以「學習初期一定要讓有足夠時間訓練和消化」，所以動作要求一定要慢，慢到好像耍太極，甚至電影慢鏡咁慢。重點訓練同一時間控制 4個或 5 個項目，強調「一心幾用」祗要肯學肯練「效率」自然會快。

———————————————————————————-

兩秒開車起步（方法也在於一心幾用）

例如開車起步基本要求： 唔可以標，唔可以 chuk，唔可以溜後，更加唔可以「死火」，還要睇左右兩邊交通情況，時間只有兩秒，要求多多但係時間小小。方法究竟點樣你自巳諗掂 ? 標準開車時間應該兩秒至兩秒半，超過 3 秒屬於「茄喱啡」， 就算畀個駕駛執照你也難以立足江湖。應付方法並不是手腳快慢而係你能否掌握「一心幾用」。意思要練習同一時間同步做幾個項目。

第一秒： 同一時間借「踏低極力子」，「入一波」時間，兼睇左邊「交通情況」。

第二秒： 同一時間借「加小許油尾」，「吊 D 極力子」，「鬆小許手制」，三位一體，「感覺極力子稍有反應即係摩擦點，用感覺意識向下壓極輕微小許極力子踏板時兼回頭望右睇「交通情況」 OK。讓汽車行走一兩秒之後可以隨意加油或收油行駛，完成。 假以時日你必有驚人成績叻過師傅。大約一秒時間要完成以上動作實在是一件並不容的事。☆☆☆☆☆

開車起步「時間」快慢係你的基本能力，但係「車速」快慢是由客觀環境而決定。 想車速快，油門追住極力子上，想車慢駛，可以收晒油然後慢慢放極力子完成。所有效率核心就在於「一心幾用」。

————————————————————————————-

轉波效率快慢（也在於一心幾用）

例如「轉波」操作表面上是一件輕而易舉的事，但係一位初學駕駛者來說實在是一項極之困難的項目，原因係未能「一心幾用」，何謂一心幾用 因為轉波時左腳和右腳做緊同一樣嘢, 左手和右手亦做緊同一樣嘢 , 耳朶要聽你嘅師傅發嗡風 , 眼睛要睇住出面四面八方,　即係同一時間需要應付五至六樣不同項目，　試問又怎會輕而易舉，這種情况需要操作一段時間自然會漸漸適應，所謂欲速不達，熟練之後你必會成為第一流轉波高手。