駕駛考試 之 道 路 觀 察

駕駛考試

 

      

     近年考生有常犯六大「必肥」嚴重駕駛錯誤,其中七成「肥佬」的原因是「冇擰頭」,即轉線及爬頭前沒有轉頭看清楚路面情況。

     

                                      灌輸正確態度 (運輸署諭)

      最新由運輸署考牌主任分析駕駛考試重點。運輸署考牌主任在課程中指出,不及格考生最常犯的錯誤主要有六項,其中七成不及格考生都是「冇擰頭」,司機轉線及爬頭前,應該先認真地轉頭看清楚路面情況,有些考生邊扭軑邊轉頭,不理前方情況,屬於大忌,亦有考生只將頭略為移動一下便當作轉了頭,亦會被考官視為「作狀」,未有看清盲點。   運輸署諭:過線爬頭要望多幾眼,口訣是「擰頭擰得多,考完笑呵呵,擰頭擰得少,考完嘴藐藐」。

 

     其他常見錯誤包括轉彎位置不正確,「過佐隔籬條線」; 沒有預早選定行車線,突然切出及切入;小路出大路沒有讓大路車輛優先,或太「騰雞」而遲遲無法利用適當時機駛出大路;最後是爬頭太快或太慢。

 

 

  醒目D, 

 

           道路觀察: 睇鏡 包括中鏡,左側鏡,右側鏡。動作大D 明顯 俗稱「做明星/交功課」。 回頭望度數不得小於 90 度。 方法是回頭望吓你右邊膊頭或車門中柱鬼佬叫〔shouder chedk diving 

          開車: 借入波時間睇左 / 借吊極力子時間睇右。(所有考生90% 沒有達至標準,考牌官並不十分計較)。

          停車: 最好抽時間睇吓中鏡。(所有考生 準 98% 沒有達至標準,駕駛考試考牌官並不十分計較),就算職業司機都沒有 20% 會做足會做到。

          轉街口:望右再望右,望左再望左, 包括左傾,右傾,前傾。安全觀察時間為一秒,秒半, 甚至半秒,半秒之後可能係另外一個世界。(駕駛考試 90% 考生沒有達至標準,考牌官並不十分計較)。

          擷線爬頭或偏左偏右小小: 動作必須大D,誇張D 俗稱「做明星/交功課」度數不得小於 90 度,方法是回頭望吓你「右邊膊頭或車門中柱」鬼佬叫〔蘇打尺 / shouder chedkdiving 。呢個動作考牌官會絕對計較,運輸署最高指示,違令者必斬,絕不手軟。唯一方法「做足明星,交足功課」希望對方唔好磋你生猪肉,就阿爾陀佛,執生! 執生!。如果沒有呢個動作者你叻到識揸飛機也會肥佬。(駕駛考試起碼 50%以上考生沒有「做足明星,交足功課」而引至失敗)。 ☆☆☆☆☆☆☆

 

——————————————————————————-

 

駕駛考試點樣睇交通情況動作要大 誇張  D 「擰頭,做明星,交功課」方法如下:

 

                                   準備階段: 要睇側鏡

                               確認段: 要睇右邊膊頭或車門中柱

                               進行階段: 要睇右邊膊頭或車門中柱

 

      駕駛考試之擷線爬頭合共要睇三次每次都要重覆,即係總共擰頭六次理論上「盲公」都睇到你有交功課,如果考官唔怕「節道」仍然要剔「不查察交通情況」只好嘆一聲時運低,如果你向上頭投訢「賤官」所為,得值機會率肯定低過「六合彩」,因為官官相衛,話你証據不足結局又得個「玩」字。    實在無奈 ! 兼無佢符 ! ,唯有花多幾拾蚊走去灣仔「鵝頸橋」請打小人亞婆,打衰佢,希望幾個月後又一條好漢。  

 

——————————————————————————

 

                                  普天之下皆有冤假錯案,駕駛考試似乎特別多。

                                          道路觀察之冤假錯案

          駕駛考試之道路觀察如果沒有「交足功課,做足明星」自己衰只怪自己學藝不精與人無尤抵佢「肥佬」。但係你雖然有睇,佢話你睇得唔夠標準。或者你雖然有睇但係考官正在睇風景而睇唔見你,道路觀察你雖然做足100分你一樣可能會「肥佬」,因為你時運底遇着一位「賤官」隨時磋你生猪肉,這是屢見不鮮也是駕駛考試最大熱門「肥佬」剔數。

 

      「賤官」:你考「中期試」掉頭,泊位,斜路開車全部過關一樣要肥佬。 考「路試」擷線唔回頭望當然會「肥佬」,但係你望多幾次又話你扮嘢一樣要「肥佬」。有時明知係「茄喱菲」又會及格。  濫用上級賦予佢的權力,無晒良心,意氣風發,弄權瀆職,隨意玩嘢。  如果時運底遇着佢,真係衹可嘆一聲「無奈」,天命難違。   

 

         在幾十年考試經驗証明: 最不幸的就係每個朝代都必有呢種「賤人」存在 ,佔比例約 25%  每個朝代亦總有幾位有求必應「黃大仙」型考官約 15%。其餘正常公証的考牌官佔大多數比例約 60%「祝你好運 !」。 當你向上頭投訢「賤官」所作所為,得值機會率低過「六合彩」,因為官官相衛,話你証據不足結局只係得個「玩」字,實在無奈, 祝你好運 !。

 

        所以駕駛考試要以平常心做足一百分,你巳對得起天地良心,因為謀事在人成事在天,成敗乃兵家常事,如果你真係有料,萬一失敗也祗可嘆一句懷才不遇。大不了幾個月後又一條好漢,又何足惧哉。

 

—————————————————————————-

 

                         實踐經驗証明「回頭望」是不設實際

       調轉頭望後面只是滿足駕駛考試的僵化指定動作,實際駕駛盡量不要調轉頭望後面,因為太危險。大動作回頭望時,手也會稍稍跟住頭轉動;人調轉頭後,車前面有甚麼事發生也看不到了變為如假包換的「盲點」,見過有車因此撞到前車,又見過有車幾乎撞到行人,總之頭是轉不得!

 

       大動作回頭望只適用於靜止起步,如果靜止起步必須回頭望清楚前後左右無車、無人、尤其小朋友是否跑出過馬路,才好開車行駛。 「黃雀在後」則屬例外。

 

                    馬路上有許多「肓炳」隨時可能因此而另自己終身殘廢甚至死亡。

 

                                                                                           MASTERLO